منتدى سلمى

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
منتدى سلمى

اهلا بك يا زائر في منتدى سلمى

اهلا ومرحبا بكم فى منتديات سلمى

    شرح طريقة عمل تحفة رووووووعة

    شاطر

    ياسمين
    عضو مشارك
    عضو مشارك

    عدد المساهمات : 22
    تاريخ التسجيل : 18/04/2013
    العمر : 32

    منقول شرح طريقة عمل تحفة رووووووعة

    مُساهمة من طرف ياسمين في الثلاثاء أبريل 30, 2013 2:46 am

    النهارده انا جيبالكم موضوع جميل وبسيط جدا وان شاء الله يارب تستفيدو منه
    اسيبكم مع الموضوع ويارب افيدكم فيه

    اولا المقادير



    زى ماشايفين عباره عن : اى اشكال او مجسمات زجاجيه
    برطمانات بأى احجام +فلوت اللى هو ورنيش
    + قواقع واصداف وخرز + اسبرى دهبى وفضى +
    تنر او تربنتينه + طبق + فرشاة +جليتر
    + ملعقه +ماء + كوب جبس + كوب رمل ابيض بتاع البحر
    + ونصف كوب اسمنت ابيض
    + وعاء لعجن المكونات انا اخدت زجاجة بيبسى
    وقصيتها عشان بعد الشغل حتترمى

    ثانيا الطريقة



    نخلط كلا من الجبس والاسمنت والرمل
    فى الطبق ونقلبهم بالملعقه جيدا حتى يمتزجو



    وبعدين ناخد كميه صغيره ونعجنها بالماء فى وعاء
    كما هو مبين فى الصوره معايا لحد هنا



    بعد العجن وبسرعه شويه نبدأ بتوزيع الخليط
    دا على جدار اى مجسم انت حابه انك تزينيه
    وانا اخترت هنا مجموعه منها كاس ومنها طبق
    ومنها زجاجة كاتشب وبرطمانات بأحجام مختلف



    وبعد مايخلص او جنب من جوانب المجسم
    نبدأ بتوزيع الخرز او اللولى والقواقع بشكل عشوائى
    مع الضغط عشا يجف الخليط ويمسك كل حاجه حطيناها
    سواء الخرز او الصدف او القواقع
    فهمتو ليه بقول بسرعه عشان طبعا الاسمنت والجبس
    بيسخنو ويجفوا بسرعه ولو جف قبل
    ما نزين حيبقى زى الحيط فا احنا بنعمل واحدة واحدة
    عشان مايجفش مننا بسرعه وبرضو جمب جمب لغاية
    مايخلص المجسم كله ودى صور توضح كلامى





    وبعد مانخلص كل الشغل نسيبهم يجفو خااالص
    ممكن اربع او خمس ساعات معايا
    لحد هنا ودا الشكل النهائى بعد الخطوات اللى فاتت



    نيجى بقى لخطوة الاسبرى وهى طبعا بالنسبه
    للالوان حسب اختيارك ممكن ازرق مع دهبى او فضى
    وممكن اخضر يعنى حسب ديكور البيت
    عندك والوانه بس انا اخترت دهبى وفضى
    عشان بيليقو مع كل الالوان وحنبدأ نرش الاسبرى
    على المجسم ممكن كله وممكن نخلى جزء الزجاج
    باين انه زجاج عشان بس
    يدى شوية فخامه للتحفه قال يعنى ههههههههههههههههههه



    انا بدأت هنا باللون الدهبى وبعدين اديت تاتشات
    بالاسبرى الفضى وبرضو الامر متروك
    ليكى تلونيه بالطريقه اللى تعجبك
    وبعد ما تسيبى المجسمات تجف من الاسبريه
    تيجى الخطوه القبل الاخيره .......


    وهنا حنجيب التنر او التربنتينا وبقطعة قماش
    او قطن او منديل حنبللها بالتنر ونمسح الزجاج
    من الاسبريه اللى جه عليه اثناء الرش



    حناخد الفرشاة والفلوت وندهن المجسم كله


    وصلنا للخطوه الاخيره بعد مانخلص طلى المجسم
    بالفلوت نبدأ بنثر الجليتر على المجسم نثر عشوئى
    وبرضو حسب رغبتك ممكن تستغنى عنه
    اصلا كل الخطوات دى منى مش حاجه اساسيه يعنى


    ودا بقى شكل العمل بعد الانتهاء حسيبكم مع الصور
    بس احب اعلق على الطبق هو مقسم من الداخل 3 اقسام
    ممكن ينفع بونبونيره بس انا عملته فواحه
    وحطيتله ورد مجفف بزيت عطرى من باب التغيير يعنى










    ودا كان العمل من طق طق لسلام عليكم
    دعواتكم لى ولصاحبة الموضوع الاصلى ولكل المسلمين والمسلمات

    منقول

      الوقت/التاريخ الآن هو السبت أكتوبر 21, 2017 6:21 pm